ახალი დროის სპეციფიკა უნიკალურ პრეპარატებშია...

აქტიური ნივთიერებები:
კაპტოპრილი                 50მგ.
ჰიდროქლორთიაზიდი   25მგ.

გამოშვების ფორმა:
ტაბლეტი №20.
კოლოფში 2 ბლისტერი.

კომბინირებული ანტიჰიპერტენზიული პრეპარატი. აგფ ინჰიბიტორი და თიაზიდური ჯგუფის შარდმდენი საშუალება.

კაპტოპრილისა და ჰიდროქლორთიაზიდის კომბინაცია იწვევს ანტიჰიპერტენზიული მოქმედების ზრდას, რაც უზრუნველყოფს არტერიული წნევის უფრო ეფექტურ დაქვეითებას, ვიდრე ამას ადგილი აქვს თითოეული მათგანის ცალკე გამოყენების შემთხვევაში.
კაპტოპრილი წარმოადგენს ანგიოტენზინ გარდამქმნელი ფერმენტის ინჰიბიტორს, აბლოკირებს ანგიოტენზინ I-ის გარდაქმნას ანგიოტენზინ II-ად, ამცირებს ალდოსტერონის გამოყოფას. მისი მოქმედებით მცირდება სისხლძარღვების პერიფერიული წინააღმდეგობა, პრე- და პოსტდატვირთვა, საბოლოოდ კი ადგილი აქვს არტერიული წნევის დაქვეითებას. კაპტოსპესი+H აძლიერებს კორონარულ და თირკმელების სისხლის მიმოქცევას. ხანგრძლივი მკურნალობის ფონზე მცირდება მიოკარდიუმისა და რეზისტენტული არტერიების კედლის ჰიპერტროფია. უმჯობესდება მიოკარდიუმის იშემიურ უბანში სისხლის მიმოქცევა, მცირდება თრომბოციტების აგრეგაცია.
ჰიდროქლორთიაზიდი წარმოადგენს თიაზიდური ჯგუფის შარდმდენ საშუალებას, ამცირებს ნატრიუმის რეაბსორბციას ჰენლეს მარყუჟის კორტიკალურ ნაწილში, არ ახდენს გავლენას მჟავა-ტუტოვან წონასწორობაზე.

ფარმაკოკინეტიკა:
პრეპარატი პერორალური მიღებისას სწრაფად აბსორბირდება, მაქსიმალური კონცენტრაცია  სისხლში მიიღწევა მიღებიდან 1 საათში, პლაზმაში პიკური კონცენტრაცია მიიღწევა 60-90 წუთის განმავლობაში. აბსორბირებული დოზის 95%-ზე მეტი გამოიყოფა შარდით 24 სთ-ის განმავლობაში.

-ესენციური ჰიპერტენზია
-სხვადასხვა ფორმის არტერიული ჰიპერტენზია
-ჰიპერტონული კრიზი
-ავთვისებიანი ჰიპერტენზია
-გულის ქრონიკული შეგუბებითი უკმარისობა
-გულის ქრონიკული უკმარისობის პროფილაქტიკა მიოკარდიუმის მწვავე ინფარქტის დროს
-დიაბეტური ნეფროპათია
-აუტოიმუნური ნეფროპათია
-არტერიული ჰიპერტენზია ბრონქული ასთმის მქონე ავადმყოფებსა და მოხუცებში

საწყისი დოზა: 1/2 აბი 2-ჯერ დღეში. დოზა შეიძლება გაიზარდოს 1 აბამდე 2-ჯერ დღეში. პრეპარატი მიიღება კვებისგან დამოუკიდებლად.

არტერიული ჰიპოტონია, მშრალი ხველა, თავის ტკივილი, გულისრევა, გამონაყარი კანზე. ძალიან იშვიათად შეიძლება განვითარდეს ანგიონევროზული შეშუპება.

პრეპარატში შემავალ კომპონენტების მიმართ მომატებული მგრძნობელობა, ანგიონევროზული შეშუპება (ანამნეზში აგფ ინჰიბიტორების მიღების ფონზე განვითარებული), აორტის სტენოზი, თირკმლის არტერიის ორმხრივი სტენოზი, არტერიული ჰიპოტონია, თირკმლის მწვავე უკმარისობა (კრეატინინის კლირენსი >30 მლ/წთ), ღვიძლის მწვავე უკმარისობა.
ორსულობა და ლაქტაციის პერიოდი:
კაპტოსპესი+H არ არის რეკომენდებული

ჭარბი დოზირების სიმპტომებია: მომატებული დიურეზი, ელექტროლიტების დისბალანსი, მწვავე ჰიპოტენზია, არითმია, ბრადიკარდია, თირკმლის უკმარისობა.

პრეპარატის კომბინაცია ნიტრატებთან, თიაზიდურ დიურეტიკებთან, ვერაპამილთან, ბეტა ბლოკატორებთან და სხვა ანტიჰიპერტენზიულ საშუალებებთან, ასევე სამციკლიან ანტიდეპრესანტებთან, აძლიერებს კაპტოსპესი+H ჰიპოტენზიურ მოქმედებას.
კაპტოსპესი+H ამცირებს პერორალური ჰიპოგლიკემიური საშუალებების, ნორეპინეფრინის და ეპინეფრინის მოქმედებას. მისი ერთდროული გამოყენებისას სალიცილატებთან იზრდება ამ უკანასკნელის ნეფროტოქსიური მოქმედება. არასტეროიდული ანთების საწინააღმდეგო საშუალებები ამცირებენ კაპტოსპესი+H-ის ჰიპოტენზიურ მოქმედებას. ლითიუმის შემცველ პრეპარატებთან ერთად დანიშვნის შემთხვევაში აუცილებელია ჩატარდეს შრატისმიერი ლითიუმის დონის კონტროლი.

პრეპარატი ინახება ოთახის ტემპერატურაზე, მშრალ, სინათლისაგან და ბავშვებისაგან დაცულ ადგილას.

უკან | გვერდის დასაწყისში | ბეჭდვა